Англи улсын парламентын гишүүд 79 мянган паундын цалин авдаг. 

Тэгвэл тус улсын парламентын хамгийн залуу гишүүн болох 23 настай Надиа Виттом түүнээс ердөө 35 мянган паундыг өөртөө авч, үлдсэн хагасыг сонгогдсон тойргийнхоо хандивын сангуудад өгч байхаа мэдэгджээ.

“Миний хандивлаж байгаа цалин хангалттай өөрчлөлтийг бий болгоход хэрхэвч хүрэлцэхгүй. 

Гэвч багш, эмч, гал сөнөөх ажилчид гээд манай улсын ард иргэд хангалттай орлоготой болох хүртэл би цалингийнхаа хагасыг л авах болно” 

хэмээн тэр өөрийн шийдвэрийг тайлбарласан байна.

Английн парламентын гишүүд цалингаас гадна улсын зардлаар оффис, туслах ажилчид, амьдрах орон байр, тээврийн зардаа шийдвэрлэдэг ажээ.

Эх сурвалж: Mirror