“Miss World 2019” 69 дэх удаагийн дэлхийн гоо бүсгүйн тэмцээний финалын шатны шалгаруулалт Лондон хотноо болж, ялагчийн титмийг Ямайк улсын мисс 23 настай Toni Ann Singh гардлаа.

Тэрээр дэлхийн өнцөг булан бүрээс оролцсон 111 гоо бүсгүйгээс шилдгээр шалгарсан Toni Ann Singh  нь Ямайк улсын St Thomas хотод төрсөн бөгөөд Флоридагийн их сургуулийг сэтгэл судлал болон эмэгтэйчүүд судлал гэсэн мэргэжлээр төгсжээ. Цаашид анагаахын чиглэлээр гүнзгийрүүлэн суралцаж эмч болох зорилготой аж.

Тэрээр өөрийн твиттер хуудсандаа St. Thomas-ын бяцхан охид болон дэлхийн бусад охидод хандад: 

Ямагт өөртөө итгэлтэй бай. Хүсэл мөрөөдлөө биелүүлэх хүчтэй, үнэ цэнэтэй нэгэн гэдгээ үргэлж мэддэг бай. Энэ титэм бол ганц минийх биш, та бүгдийнх.” хэмээн жиргэжээ.

Энэ удаагийн дэлхийн мисс-ийн тэмцээний онцлог нь “Miss USA, Miss Teen USA, Miss America, Miss Universe and Miss World” гэсэн топ 5 төрөлд  өнгөт арьст бүсгүйчүүд түрүүлсэн явдал юм.