Стэнфордын их сургууль хиймэл оюун ухааны хөгжлийн хурдны талаар шинэхэн судалгаагаа нийтэлжээ. Тэд хиймэл оюун ухааны чиглэлээр идэвхтэй хөгжүүлэлт хийж буй “McKinsey & Company”, “Google”, “PwC”, “OpenAi”, “Genpact”, “AI21Labs” компаниудтай хамтран судалгаагаа хийсэн байна.

“2012 оноос өмнө хиймэл оюун ухааны тооцоолох хурд хоёр дахин нэмэгдэхэд хоёр жил шаардагдсан бол одоо ердөө 3,4 сар шаардлагатай байна”

хэмээн уг судалгааны бичигт дүгнэжээ.

Хиймэл оюун ухаан аливаа ажлыг хийж сурахад хүний хүч хөдөлмөр ихээхэн шаардагддаг боловч технологийн ахиц дэвшлийн дүнд түүнийг сургахад шаардах хугацаа, хүний оролцоо эрс буурч байгаа ажээ.

Зөвхөн зураг таних зориулалт бүхий хиймэл оюун ухааныг жишээ болгоход, түүнийг сургахад 2017 оны аравдугаар сарын байдлаар гурван цаг шаардагддаг байсан бол, энэ хугацаа нь 2019 оны долдугаар сар гэхэд 88 секунд болтлоо буурчээ.

Эх сурвалж: Computer Weekly