Хятадын коммунист нам шашны сургаал бичгүүдэд “Ерөнхийлөгч Ши Жиньпиний эринд зориулсан” хэмээх тодотголтой орчуулга, агуулгын өөрчлөлт хийх төлөвлөгөөтэй байгаа ажээ. Энэ талаар Францын нэр хүндтэй хэвлэлийн нэг “Le Figaro” сонины Бээжин дэх төлөөлөгч анхлан мэдээлсэн байна.

“Le Figaro”-ийг мэдээлж буйгаар засгийн газар Христ, Ислам, Буддын болон бусад шашны Хятад хэл дээрх орчуулгад шинэчлэл хийх төлөвлөгөө бэлджээ. Энэ хүрээнд Хятадын коммунист нам өөрийн бодлого чиглэлд нийцэхгүй хэмээн үзэж буй агуулгыг устгах юм.

“Зөвлөлт холбоот улсын хийж зүрхлээгүй зүйлээр тэд оролдож байна”

хэмээн уг үйлдлийг “Valeurs Actuelles” нэртэй бас нэгэн Франц сонин дүгнэсэн байна.

Шашин, сүсэг бишрэлийг хянах оролдлого Хятад улсад сүүлийн жилүүдэд эрчимтэй явагдаж буй бөгөөд Католик сүмд Хятадын Коммунист намын ерөнхий нарийн бичгийн дарга, ерөнхийлөгч Ши Жиньпиний зургийг тавих болжээ.

Эх сурвалж: Daily Star