Эрх чөлөөнийхөө төлөө тэмцэж буй мянга мянган Хонконг залуус зул сарын үдшийг ч алгасалгүй неон гудамжинд хооллонгоо тэмцлээ үргэлжлүүлэв.

“Энэ жил зул сарын уур амьсгал байхгүй ч Хонконгчууд урьд хожид байгаагүйгээрээ эв нэгдэлтэй харагдаж байна” хэмээн тэмцэгчдийг зул сарын зоогоор дайлсан хоолны газар ажиллуулдаг 31 настай Glory хэлж байлаа.

Tsim Sha Tsui гудамжинд зуу зуун тэмцэгч, жуулчин, дэлгүүр хэсэж буй хүмүүс тугалган цаасан таваг бүхий гоймон, шарсан тахиа, шпаггетиг идэхээр эмх замбараатай дугаарлаж харагдана.

Баярын үдэш тэмцлээ орхин гэртээ халуун ам бүлээрээ баяраа тэмдэглэж болох ч тэдний хувьд эрх чөлөөгөө эргүүлэн авах зорилгодоо үнэнч байх нь юу юунаас чухал аж. Тэмцэгчид "Бид энэ үдшийг гэр бүлээрээ хамтдаа баярлах шаардлагагүй, учир нь энд цугласан бид бүгдээрээ нэг гэр бүл" гэжээ.

Ивээн тэтгэгчид ресторануудад захиалга өгч цугласан хүмүүсийг зул сарын зоогоор дайлсан юм.

Харин энэ үеэр цагдаа нар худалдааны гудамжинд цугласан тэмцэгчдийг тараахаар нулимс асгаруулагч хий цацаж байлаа. 

Эх сурвалж: Reuters