Ливийн нийслэл Триполи хотын үндэсний зөвшилцлийн засгийн газар Турк улсаас дотоодын мөргөлдөөнийг өдөөгч сөрөг хүчний эсрэг “агаарын, тэнгисийн болон явган цэргийн арми”-иар цэргийн туслалцаа үзүүлэх хүсэлтээ албан ёсоор илгээлээ.

Туркийн ерөнхийлөгч Режеп Тайп Эрдоан хүсэлтийг хүлээн авч ирэх сард цэргийн хүч илгээхээ мэдэгдлээ.
2011 онд болсон зэвсэгт мөргөлдөөний үеэр Ливийн удирдагч Муаммар Каддафийг хөнөөсний дараа тус улсад хурц хямралын үе үргэлжилсээр буй.

Өнгөрсөн дөрөвдүгээр сард Фельдмаршал Халиф Хафтарын командалсан Ливийн Үндэсний армийн цэргүүд Триполи хот руу довтолсноор зэвсэгт мөргөлдөөн эхэлсэн билээ. 

Эх сурвалж: REUTERS