МЭӨ мянга гаруй жилд хамаарах Маяачуудын эртний сүмийн туурийг Мексикийн Yucatan хотоос эрдэмтэд илрүүллээ.

Тус хотоос 82 км-ийн зайнд орших баруун Канкун-ы Кулуба гэх археологийн бүсээс олдсон сүмийн туурь нь 6м өндөр, 55 метр урт, 15м өргөнтэй байсныг Мексикийн үндэсний түүх, археологийн хүрээлэнгээс мэдээллээ.

Мэргэжилтнүүдийн үзэж буйгаар тус түүхэн барилга хоёр мянганы турш Маяачуудын оршин тогтнох хугацаан дахь мөргөл үйлддэг байсан газар хэмээн таамаглаж байна. Kuluba дахь энэ түүхэн газрыг хараахан олон нийтэд нээлттэй болгоогүй аж.

Тус хүрээлэнгийн мэдээлснээр сүмийн барилгын архитектур, шавар болон ханан дээрх зураг зэрэг нь МЭ-ийн тавдугаар зуунд харьяалагдах НҮБ-ийн соёлын өв болох Чичен Итса-тай төстэй гэнэ.

Мезоамерикийн голлох үндэстнүүдийн нэг байсан Майячууд нь хөшөө дурсгал, ёслолын байгууламж, төвүүдийг олноор байгуулж, газар тариаланд суурилсан эдийн засагт тулгуурлан оршиж байв. Тэдний барилга байгууламжийн архитектур гайхалтай хөгжсөн байсан бөгөөд орчин цагийн урлагийн шинжийг хүртэл агуулдаг байв. Үүний илэрлийг өнөө үед Майяпан, Чичен Ица, Паленкаас харж болно.