2020 оны хоёрдугаар сараас эхлэн Япон улсын “Japan Airlines” компани нийт 50 мянган жуулчинг орон нутгийн үнэгүй нислэгийн эрхээр шагнах болжээ.

Япон улсын аялал жуулчлалын агентлаг болон Япон улсын үндэсний аяллын байгууллага нь аялагчдыг Зуны Олимпын наадам болох Токио, Киото хотоос гарах, бусад газраар аялах сэдлийг бий болгох зорилгоор уг санаачлагыг хэрэгжүүлж байгаа ажээ.

Шалгаруулалтад зөвхөн гадны иргэд оролцох боломжтой бөгөөд “Japan Airlines” компанийн “loyalty” хөтөлбөрт бүртгүүлсэн 50 мянган хүн Токио буюу Осака хотоос Япон улсын өөр нэг хотруу зорчих хоёр талдаа билет хожих юм.

Энэ талаар дэлгэрэнгүй мэдээллийг албан ёсны вэб хуудсаас үзэх боломжтой.

Эх сурвалж:The National