Өчигдөр Иран улсын пуужингууд Ирак дахь АНУ-ын цэргийн базад цохилт өгсөн билээ. Албаны эх сурвалжууд дайралтаар хүний амь үрэгдээгүй хэмээн мэдэгдсэн боловч Америк улсын ерөнхийлөгч Доналд Трамп ямар мэдэгдэл хийхийг дэлхий нийт чих тавин хүлээж байлаа.

Тэгвэл Доналд Трамп ард иргэддээ хандсан мэдэгдэлдээ дайралтад хүний амь үрэгдээгүйг мэдэгдээд, Иран улстай үүсээд буй зөрчлөө Америк улс энхийн замаар шийдвэрлэх ёстой хэмээн хэлжээ.

Тэрээр мөн

“Америкийн зэвсэгт хүчин бэлэн байдалд байгаа. Намайг ерөнхийлөгч байгаа цагт Иран улс хэзээ ч цөмийн зэвсэгтэй болохгүй”

хэмээн мэдэгдэлдээ дурдсан бөгөөд Ираны пуужингийн дайралтыг өдөөсөн хошууч генерал Касим Солиманиг устгасан явдлаа “АНУ-ын эсрэг хийх дайралтаас сэргийлэх үйлдэл байсан” хэмээн тайлбарлаж байгаа юм.

Эх сурвалж: CNN