“KCJ Training and Employment Solutions” нэртэй англи компани тамхины хэрэглээг бууруулах нэгэн өвөрмөц шийдэл олжээ. Тэд тамхи татдаг хүмүүсийг шийтгэх бус, тамхи татдаггүй хүмүүсийг шагнах замыг сонгосон байна.

Эрүүл мэнддээ анхаардаг, тамхи татдаггүй ажилчид нь амьдралдаа сэтгэл ханамжтай, бүтээмж өндөр байдаг хэмээн удирдлагууд үзэж байгаа аж. 

“Өдөрт гурван удаа 10 минутын хугацаатай тамхины завсарлага авахад л жилд ажлын 16 өдөртэй тэнцэх хэмжээний цаг хугацаа өнгөрч байна. Хүмүүсийн тамхины хэрэглээг хүчээр зогсоож чадахгүй тул манай байгууллага тамхи татдаггүй ажилчдаа шагнахаар шийдсэн”

хэмээн үйл ажиллагаа хариуцсан захирал Дон Брайден хэлжээ. Тэрээр өөрөө тамхи татдаг ажээ.

Компанийн зүгээс тамхинаас гарахыг хичээж буй ажилчдад дэмжлэг үзүүлэхээ амласан байна.

Эх сурвалж: BBC