Грек улсын анхны эмэгтэй ерөнхийлөгчөөр дээд шүүхийн шүүгч Катерина Сакеларополу сонгогджээ. 

Грекийн үндсэн хуулиар, ерөнхийлөгчийг парламентын саналаар сонгодог байна. Тэгвэл энэ жил 63 настай Катерина Сакеларополу нь 300 гишүүнтэй парламентаас 261 хүний санал авч ерөнхийлөгч болжээ. 

Түүнд харьяалагддаг Шинэ ардчилсан намаас гадна үндсэн сөрөг хүчин болох Сириза эвслийн намын гишүүд ч саналаа өгчээ.

“Хөгжихийн тулд бид төр засгаасаа эхлэн өөрчлөгдөх хэрэгтэй. Үүний тулд бид чадвар туршлагатай илүү олон эмэгтэйчүүдийг ажиллуулах болно”

хэмээн Грекийн ерөнхий сайд Кириакос Мицотакис хэлжээ.

Грек улсад эдийн засгийн хямрал арав гаруй жил үргэлжилж буй бөгөөд улс төрийн тогтворгүй байдал газар аваад байгаа билээ. 

Эх сурвалж: CNN