Коронавирусийн халдвар нь шинж тэмдэг илрэхээс өмнө буюу нууц үе дээрээ хурдацтай тархдаг тул сонор сэрэмжтэй байхыг Хятадын эрүүл мэндийн яамнаас анхааруулжээ.

Xinhua агентлаг: Сүүлийн 24 цагийн байдлаар 769 өвчтөн шинээр бүртгэгдэж, 3.806 сэжигтэй тохиолдол илэрсэн бөгөөд Хубэй аймагт 24 хүн нас барсан талаар Хятадын эрүүл мэндийн яам мэдэгджээ.

Өнгөрсөн ням гарагийн байдлаар нийт 80 хүн нас барж, 51 хүнийг эмчилсэн байна. Мөн Хятадын эрх баригчид хурдацтай тархаж буй вирусийн халдвартай тэмцэхээр цагаан сарын амралтыг хоёрдугаар сарын 2-ныг хүртэл сунгажээ.

Дэлхий дахинд: Одоогийн байдлаар Хятадын эх газраас гадна 13 улсад 40 хүн короновирусийн халдварыг авсан байна.

Хонг Конгийн төрийн өмчит сувгийн мэдээлж буйгаар коронавирусын 8 тохиолдол илэрсэн тул сургууль болон цэцэрлэгийн үйл ажиллагааг хоёрдугаар сарын 17-ныг хүртэл хаалаа.

Хилийн чанадад Тайланд (7), БНСУ (3), АНУ-д (3), Вьетнамд (2), Малайзад (3), Сингапурт (4), Непалд (1), Францад (3), Австралид (4) хүн коронавирусийн шинж тэмдэг илэрсэн байна.

Эх сурвалж: 

CNN

Xinhuanet.com