Коронавирусын голомт болсон Хубэй аймгийн өмнөд хэсгээр хил залгах Хунань мужид H5N1 шувууны ханиад дэгдлээ.

Шаоянь хотын Шуанчинь дүүргийн 7850 тахиатай фэрмд энэ вирусийн халдвар авсан 4500 тахиа үхсэн байна. Халдвар тархсаны дараа 18 мянга гаруй тахиаг орон нутгийн эрх баригчид бямба гарагт устгасан хэмээн  тус улсын Хөдөө аж ахуйн яам мэдэгдлээ.

Одоогоор шувуунаас хүнд халдварласан тохиолдол илрээгүй байна.

ДЭМБ-ын мэдээлж буйгаар “H5N1 шувууны томуу вирусийн халдвар амьтнаас хүнд  халдварлах нь ховор. Харин үхсэн шувуу, халдварын голомттой ойр ажилладаг хүнд халдварлах боломжтой. Энэ тохиолдолд халдвар амь насанд хүрэх магадлал өндөр буюу 60 хувьтай. Шувууны гаралтай түүхий эдийг сайтар боловсруулж, болгож хэрэглэвэл энэ вирус хүнд халдварлахгүй." хэмээлээ. 

Тус мужийн хойд хэсэгтэй хил залгах Хубэй мужийн хувьд өнөөдрийн байдлаар Коронавирусийн халдвар авсан 13.800 тохиолдол бүртгэгдэж нас барсан хүний тоо 305-д хүрсэн байна.

Эх сурвалж: SCMP