Дэлхийн хамгийн нэр хүндтэй статистик мэдээний сайт “Worldometer”-ийн мэдээгээр коронавирусын халдвараар өвчилсөн хүн 24550, нас барсан хүн 492, эдгэрсэн хүний тоо 907 болжээ.

Өмнөх өдөртэй харьцуулахад халдвар авагсдын тоо 3223, нас барагсдын тоо 66 хүнээр нэмэгджээ. Коронавирусын халдвар 28 оронд хүрээд байна.

Азийн хөл бөмбөгийн холбооноос зохион байгуулдаг Азийн аваргуудын лигийн тоглолтууд өвчний халдвараас үүдэн дөрөв болон тавдугаар сарыг хүртэл хойшлох болжээ.

“Коронавирусын халдвар нь хөл бөмбөгөөс ч илүү тулгамдсан асуудал юм. Тиймээс бид хүмүүсийг хамгаалахын тулд энэ шийдвэрийг гаргалаа”

хэмээн Азийн хөл бөмбөгийн холбооны ерөнхий нарийн бичгийн дарга Дато Уиндсор Жон хэлсэн байна.

Эх сурвалж: CNN, Worldometer