ДЭМБ-ийн Филиппин дэх суурин төлөөлөгч, доктор Рабиндра Абеаясинх тус улсын парламентад хандсан мэдэгдэлдээ халдварт өвчнөөс сэргийлэхэд гарын ариун цэвэр хамгийн чухал болохыг сануулжээ.

Амны хаалттай хүмүүс өөрийгөө бүрэн хамгааллаа хэмээн буруу итгэж, гараа угаах нь цөөрдөг болохыг ДЭМБ-ийн судалгаа тогтоосон байна.

“Амны хаалттай байлаа гээд гарын ариун цэврээ орхигдуулж болохгүй. Амны хаалтын гадаргууд хүрэх, халдвартай тунадас буусан байж болох зүйлд хүрсэн гараа цэвэрлэхгүй байх нь танд өвчинг халдаах аюултай”

хэмээн тэр анхааруулсан байна.

Тиймээс агаар дуслын замаар тархдаг өвчнөөс сэргийлэхэд амны хаалтаас гадна гарыг тогтмол цэвэрлэх, ханиалгаж найтаахдаа амаа дарах зэрэг санамжуудыг даган мөрдөх нь танд учрах эрсдэлийг бууруулах ажээ.

Эх сурвалж: ABS-CBN