Япон улсын хүн амын насжилт, ажиллах хүч багасч буйтай холбогдуулан асрамжийн газар, оффис болон сургуулиудад ашиглах шинэ роботуудыг бүтээсээр байна. 

Токио хотын Шинагава дахь оффисын үүдэнд хоёр хамгаалагч зогсоно.

Энэ байдаг л нэг үзэгдэл боловч хамгаалалтын ажилтнуудын нэг нь робот байлаа. Юго гэх нэртэй энэ роботны цэнхэр нүд нь "үүрэгт ажил" гэсэн утгатай япон үгээр солигдоно. Түүний зай нь ажлын цагийн хагас хүртэл цэнэгээ барих чадалтай. Юго хоёр цаг тутамд оффисын барилгыг тойрч эргүүл хийнэ. Түүнд тулгарах бэрхшээл ховор, лифтний дуудлагын товчийг ч өөрөө удирдан дарна. 

"Мира Роботик"-ын гүйцэтгэх захирал Кэн Мацуй: "Робот өндөр түвшинд бүтээгдсэн тул танд аюул учруулах зүйл огт үгүй. Хятад, Өмнөд Солонгос зэрэг улсууд энэхүү хамгаалагч робот болон гэр, сургууль цэвэрлэхэд ашиглах роботуудыг ихэд сонирхож байна" гэв.

Зарим мэргэжлийн хүмүүс робот биднийг орлон, ажлын байрыг булааж байна гэдэг. Харин робот бүтээгчид "робот биднийг орлох бус дутууг нөхөх болно" гэж хэмээж буй. Япончуудын дуртайяа хүлээн авч байгаа роботын шинэ эрин үеийг таньд хүргэлээ. 

Эх сурвалж: BBC