Францын эрүүл мэндийн яамны сайд Agnès Buzyn-ий мэдээлснээр Уханиас ирсэн 80 настай Хятад аялагч өнгөрсөн шөнө нас барсан нь коронавирусээс үүдсэн нас баралтын Азиас гадуурх анхны тохиолдол болов.

Тус иргэн нэгдүгээр сарын 16-нд Францад ирсэн бөгөөд мөн сарын 25-нд Парис хотын эмнэлэгт тусгаарлагдсан байжээ.

Францын хувьд Covid-19-ийн халдвар авсан 11 тохиолдол бүртгэгдэж, 6 хүн эмнэлэгт тусгаарлагдаж буй.

Өнөө өглөөний байдлаар БНХАУ-д 1,843 хүн нас барж, халдвар авагсдын тоо 68 мянга давлаа. Мөн 8 мянган хүн эмчлэгдээд гарсан байна.

Халдварын голомт болох Ухань хотын эмнэлэгт ажиллаж буй 6 эрүүл мэндийн ажилтан нас барсан талаар эмнэлгийнхэн мэдэгдлээ.

Мөн АНУ, Япон руу чартер онгоц илгээн Diamond Princess хөлөг онгоцонд коронавирусээс үүдэн тусгаарлагдсан 400 иргэнээ татан авах гэж буй.

Эх сурвалж: bbc