Дэлхийн хамгийн нэр хүндтэй статистик мэдээний сайт “Worldometer”-ийн мэдээгээр коронавирусын халдвараар өвчилсөн хүн 75198, нас барсан хүн 2009, эдгэрсэн хүний тоо 14555 болжээ.

Энэ тоог өмнөх өдөртэй харьцуулахад халдвараар оношлогдогсод 1749, нас барагсад 136 хүнээр нэмэгджээ. Коронавирусын халдвар одоогийн байдлаар 29 оронд бүртгэгдээд байна.

Хятадын Өвчний хяналт сэргийлэлтийн төв коронавирусийн 72 мянга гаруй өвчтөний мэдээлэлд шинжилгээ хийжээ.

• Халдвар авагсдын 4.7 хувьд өвчин хурц хэлбэрээр илэрсэн,
   
• Халдвар авагсдын 51 хувь нь эрэгтэй, 49 хувь нь эмэгтэй,
   
• Халдвар авсан эрчүүдийн 2,8 хувь, эмэгтэйчүүдийн 1,7 хувь нас барсан,
   
• 80-аас дээш настай халдвар авагсдын 14,8 хувь, 70-79 настай халдвар авагсдын 8 хувь нь, 60-69 настай халдвар авагсдын 3,6 хувь нь тус тус нас барсан

зэрэг дүгнэлт гарчээ.

Эх сурвалж: CNBC,Worldometer