Шотландын парламент эмэгтэйчүүдийн ариун цэврийн хэрэглэлийг үнэгүй болгох хуулийн төслийг баталсан байна. Уг хуулийг парламентад суудал эзэлж буй бүх нам дэмжсэн бөгөөд Шотландын олон нийт талархан сайшаажээ.

“Ариун цэврийн хэрэглэл нь хүн нэг бүрт хүртээмжтэй байх хэрэгтэй суурь хэрэгцээ юм” 

хэмээн уг хуулийг санаачлагч, парламентийн гишүүн Моника Ленон хэлсэн байна.

Тус улсад ариун цэврийн хэрэглэлийг их дээд сургууль болон ерөнхий боловсролын сургууль охидод тодорхой хэмжээнд үнэгүй түгээдэг ажээ. 

Шинэ хуулийн төсөл нь жил бүр ойролцоогоор 24 сая паундын санхүүжилтийг шаардах тооцоо гарчээ.

Эх сурвалж: BBC