Covid-19-ийн дэгдэлт, тархалтын цаг хүрээг хумих үүднээс БНХАУ-ын Шэньжэнь хотын ардын их хурал идэхэд зөвшөөрөгдөх, эс зөвшөөрөгдөх мах, махан бүтээгдэхүүний жагсаалт гаргаж баталжээ.

Хуулийн төслийн цагаан жагсаалт буюу зөвшөөрөгдсөн хүнсэд гахай, үхэр, тахиа, туулай, загас болон далайн гаралтай бүтээгдэхүүн багтаж буй.

Харин тус улсын махан бүтээгдхүүний өргөн хэрэглээ болсон нохой, муур, могой, мэлхий, бах болон бусад зэрлэг амьтдыг хар жагсаалтад оруулж арилжаалах, идэхийг хоригложээ. 

Тус хотын эрх баригчдын хэлснээр идэж болохгүй  буюу хар жагсаалтыг нэрлэхгүй гэжээ. Учир нь Хятадууд 10 гаруй мянган төрлийн зэрлэг амьтныг хүнсэндээ хэрэглэдэг учраас  үүнийг бүгдийг тоочиж хэлэх боломжгүй.

БНХАУ-ын тусгай захиргааны бүс Хонконгтой хил залгах тус хотын технологийн баазын мэдээлснээр хэрэв энэ хуулийг зөрчвөл 20 мянган юань буюу 2,8 мянган ам.долларын торгуул оноох аж. Цагаан жагсаалтад ороогүй фермийн амьтны мах идэхийг мөн хоригложээ. Учир нь фермд өсгөсөн үү, агнасан уу гэдгийг тодорхойлох боломжгүй гэсэн юм.

Энэ хуулинд зэрлэг амьтдыг шинжлэх ухаан болон анагаахын зориулалтаар ашиглаж болохыг зөвшөөрсөн хэдий ч ашиглах үйл явцад болгоомжтой байж, ариун цэврийг чанд баримтлахыг чухалчлахыг сануулжээ.

Эх сурвалж: South China morning post