Твиттер компани коронавирусийн дэгдэлт ихтэй энэ үед нийгмийн хариуцлагын хүрээнд ажилтнуудаа гэрээс нь ажиллуулахаар шийдвэрлэсэн талаараа мэдэгдлээ. Тус компани дэлхий даяар ажиллаж буй нийт 5000 ажилтныг ажлын байран дээр ирэхгүй байхыг уриалсан. Ялангуяа Хонг Конг, Япон, Солонгос зэрэг орны ажилтнууд гэрээсээ ажиллах нь чухал хэмээн онцолсон аж. 

Компаний үйл ажиллагааг хориглосон энэ өдрөөс хойш чухал шаардлагатай бизнесийн уулзалт биш бол гадаад улс руу зорихыг хориглосон. 

Твиттер компаний захирал Jack Dorsey "Үүнийг ихэд дэмжиж байна. Твиттер дэлхий нийтийн хэрэглээ бөгөөд, энэ шийдвэрийн улмаас хэрэглэгчийн идэвхжүүлэлтийг бууруулж болохгүй" хэмээн мэдээлсэн. 

Харин энэ талаар Твиттер компаний хүний нөөцийн ажилтан Jennifer Christie хэлэхдээ "Бидний гол зорилго бол эргэн тойронд болон дэлхийд коронавирусийн тархалтыг бууруулахад туслах юм" гэв.  Компани хэсэг хугацаанд гэрээсээ ажиллахын тулд шаардлагатай үйл ажиллагааг нарийн боловсруулж байна. Твиттерийн хувьд ажилчид алслагдсан газраас хуваарилагдан ажиллах хэрэгтэй болж байгаа нь том өөрчлөлт юм.