Саудын Араб улс дэлхийн зах зээлд гаргаж буй газрын тосны үнээ 27 хувь хямдруулж, нэг баррелийг 30 ам.доллараар худалдаалах болсноо зарлажээ.

30 ам.доллар нь нэг баррель газрын тосны сүүлийн дөрвөн жилийн хамгийн доод үнэ бөгөөд энэхүү гэнэтийн хямдрал бусад үйлдвэрлэгчид үнээ бууруулахад нөлөөлж эхэлсэн байна.

Коронавирусийн дэгдэлт дэлхийн зах зээлийг удаашруулж буй энэ үед Саудын Араб тэргүүтэй Газрын тос экспортлогч орнуудын байгууллага (ОПЕК) нь дэлхийн хамгийн том газрын тос үйлдвэрлэгчдийн нэг Орос улстай өнгөрсөн долоо хоногт уулзалт зохион байгуулсан билээ. 

Гэвч ОПЕК-ийн үйлдвэрлэлээ харилцан бууруулах хэлэлцээр бүтэлгүйтсэн бөгөөд энэ нь тэднийг экспортын үнээ бууруулж, Оросын байр суурьд нөлөөлөхөд хүргэсэн байна.

Эх сурвалж: CNN