Израйль улсын Рабин анагаахын төвийн эмч нар уушгины хорт хавдартай хүний зүүн уушгийг биеэс нь гаргаж цэвэрлэжээ. Тэд олон цаг үргэлжилсэн мэс ажилбарын дүнд өвчтөний уушгаас хавдрыг цэвэрлэсэн буцааж байрлуулсан байна.

Адил тохиолдолд эмч нар уушгийг тайрдаг бөгөөд донор эрхтэн яаралтай олох шаардлага тулгардаг ажээ. 

“Уушгийг тайраад л орхисон бол өвчтөний амь нас ноцтой аюулд хэвээр байх байсан. Бид хорт хавдрыг салгаж, уушгийг шалгахад ажиллагаа нь хэвийн байсан бөгөөд эрүүл болсон уушгийг өвчтөний биед буцаан хийж чадсан”

хэмээн кардиоторацийн мэс заслын тасгийн дарга, доктор Юрий Файшовиц хэлжээ.

Хэрэв энэхүү шинэ төрлийн мэс ажилбар цаашид амжилттай үр дүнд гаргавал хорт хавдрын эмчилгээ нэгэн шат ахиж, донор хүлээх, эрхтэн тохирохгүй байх, химийн болон цацрагийн эмчилгээгээр өвчтөний биеийг хордуулах зэрэг бэрхшээл буурах юм.

Эх сурвалж: Jewish Business News