Ойрх Дорнодод халдварын голомт болж буй Иран улсын Эрүүл мэндийн яамны хэвлэлийн төлөөлөгч Kianush Jahanpur албан ёсны твиттер хуудсандаа "Бидэнд буй мэдээллээс үзэхэд 10 минут тутамд вирусийн халдвартай нэг хүн нас барж, цаг тутамд 50 хүн халдвар авч байна" хэмээн жиргэснийг reuters агентлаг орчуулжээ.

Johns Hopkins их сургуулийн судалгааны институтийн мэдээлснээр пүрэв гарагийн байдлаар тус улсад халдвар авагсдын тоо 18,400 давж, нас барсан хүний тоо 1,284 болжээ.

Тус улсын засгийн газар цар тахалтай тэмцэж чадахгүй байна гэсэн шүүмжлэлийн дараа ерөнхийлөгч Hassan Rouhani: "Вирусийн халдварыг тогтоон барих арга алга" хэмээн ард түмэндээ шударгаар хэлсэн юм.

Эх сурвалж: thehill.com