Өчигдөр Нью Йорк хотын захирагч Andrew Cuomo "Коронавирусын тархалт Нью Йорк хотод хурдны галт тэрэг шиг л байна" хэмээн тодотгож цаг үе, нөхцөл байдлын талаар хэд хэдэн мэдээллийг хүргэжээ.

Нью Йорк хотод вирусын халдвар авсан 25,000 гаруй тохиолдол бүртгэгдэж, 210 гаруй хүн нас баржээ. Энэхүү 25,665 тохиолдол нь АНУ-ын бүх халдварын талаас илүү хувийг эзэлж байна. 

Andrew Cuomo "Халдварын урьдчилсан мэдээг сонсоод улс даяар явж буй ачааны галт тэргийг бид харж байлаа. Гэтэл одоо яг л сум мэт хурдны галт тэргийг харж байна. Уг вирусын тархац бидний бодож байснаас ч хурдан юм" хэмээн ахааруллаа.

Мөн хотын захирагч "Тус мужид шинээр гарч буй тохиолдлын тоо гурван өдөр тутамд 2 дахин нэмэгдэж байгаа бөгөөд удаашрах шинжгүй байна. Түүнчлэн муж улсууд эрүүл мэндийн чиглэлд илүү их анхаарах шаардлагатай болж, коллежийн дотуур байр, зочид буудлыг мэргэжлийн эмнэлгийн хэмжээнд хүргэх ч боломжтой юм. Нью Йорк хотын хувьд хамгийн хүнд тохиолдолд 140,000 эмнэлгийн ортой болох шаардлагатай" хэмээн мэдэгдлээ.

Дэлхийн Эрүүл Мэндийн Байгууллага (ДЭМБ) мягмар гарагт АНУ-д коронавирусын тахлын шинэ төв бий болох шаардлагатайг мэдэгдсэн.

Нью Йоркд байдал ийм байхад Калифорни, Иллинойс хотуудад юу болох нь цаг хугацааны асуудал болоод байна.

Эх сурвалж: BBC