Коронавирусийн халдвар дэлхийн 199 орныг хамарч, хагас сая гаруй тохиолдол бүртгэгджээ.

Халдварт вирус анх үүссэн голомтоос дэлхийн нөгөө булан хүртэл тархаж, хэн ч өвчилж болдог гэдгийг өдөр бүр бидэнд сануулсаар. 2020 оны гуравдугаар сарын 27-ны 08:10 минутын байдлаар дэлхийд нийт коронавирусийн 529,614 тохиолдол бүртгэгджээ. Уг халдварын улмаас 23,976 хүн нас барсан харамсалтай тоо цаг, минут тутамд өссөөр байна.

Харин бидэнд мэдэж болох хамгийн эерэг тоо нь дээрх хагас сая хүнээс эдгэрсэн 123,380 хүн байгаа явдал юм.  

БНХАУ, АНУ улсуудад хамгийн их тохиолдол бүртгэгдээд байна. Харин үүний дараагаар Итали улс мөн АНУ-ийн адилаар Хятад улсаас илүү гарах төлөвтэй байна. Тус улсад нийт 80,589 тохиолдол, 8215 нас баралт бүртгэгдсэн. Энэ нь нас баралтын тоогоор Хятад улсаас бараг гурав дахин их байгаа юм.