НҮБ-ийн байгаль орчны хөтөлбөрийн гүйцэтгэх захирал Inger Andersen: "Коронавирусийн цар тахал болон уур амьсгалын зогсолтгүй өөрчлөлт нь хүн төрөлхтний амьд байгальд учруулж буй дарамт, хямралын эсрэг байгаль дэлхий сануулга өгч, хариу барьж байна. Хүмүүсийн олноор нь авч одож буй энэ халдварт өвчин тархах нөхцөл нь хүн төрөлхтөн өөрсдөө юм. Байгаль дэлхийгээ хайр гамгүй мөлжиж буй нь эргээгээд өөрсдөдөө хор хөнөөл учруулж буй хэрэг" гэв. 

Байгальд үүнээс ч илүү аюулт өвчин дэгдээх боломжтой. Хүн төрөлхтөн, өнөөгийн соёл иргэншил "галаар тоглож" байна гэсэн юм.

Andersen-ий хэлж буйгаар бидний даруй авах арга хэмжээ нь тархалтыг хянах, өөрсдийгөө эмчлэх, өвчнөөс хамгаалах зэрэг байж болох ч урт хугацааны хариу үйлдэл нь биологийн олон төрөл зүйлийг хадгалан, хамгаалахад орших аж. 

Тэрээр Guardian сэтгүүлд өгсөн ярилцлагадаа "Хүн төрөлхтнийг өвчлүүлж буй буй халдварт өвчний 75 хувь нь зэрлэг амьтан, ургамал байгалиас гаралтай. Халдварт өвчин дэгдсэн түүхийг сөхвөл өвчин үүсгэгч бичил организм байгалиас тэжээвэр халдварлаж улмаар хүнийг өвчлүүлж эхэлсэн байдаг.  

Шувууны томуу, Эбола, Мерс, Рифтийн хөндийн чичрэг, менингоккт халдвар, Баруун Нилээс гаралтай халдвар, Сарс, Зика вирус нь зэрэг нь бүгд амьтнаас хүнд халдварласан байдаг.

Тэрээр дэлхийн дулаарал, амьд байгалийг устгаж буй ферм, уул уурхай, байгалийн нөөцийн зохисгүй ашиглалт зэрэгт бид зохистой хандах нь цаашид учирч болох халдварт өвчнөөс сэргийлэх үндэс болно гэсэн юм.

Эх сурвалж: Guardian.com