Энэтхэг улсад коронавирусийн 4289 тохиолдол, 118 нас баралт бүртгэгдээд байна. Тиймээс коронавирусийг таслан зогсоох, урьдчилан сэргийлэх ажлын хүрээнд Энэтхэг улс төмөр замын хөдөлгөөнийг зогсоож, галт тэрэгнүүдийг эмнэлгийн зориулалтаар ашиглахаар шийдвэрлэжээ.

Энэтхэг улсын ерөнхий сайд Нарендра Моди гуравдугаар сарын 25-нд улс даяар хөл хорио тогтоосныг зарласан. Үүний хүрээнд тус улс дөрөвдүгээр сарын 14-ныг хүртэл зорчигч тээврийн галт тэрэгний хөдөлгөөнийг зогсоожээ. Энэ нь 167 жилийн хугацаанд Азийн хамгийн эртний төмөр замын сүлжээг анх удаа зогсоосон явдал юм.

Тиймээс 20,000 орчим галт тэргийг коронавирусийн халдварын эрсдэлтэй өвчтнүүдийг тусгаарлах эмнэлэг болгохоор шийдвэрлэжээ.

Энэтхэгийн төмөр замын сүлжээ нь дэлхийн дөрөв дэх том төмөр замын оператор бөгөөд тус улсын томоохон ажил олгогч салбар юм. 

Мөн улсын хэмжээнд 125 эмнэлэг үйл ажиллагаагаа явуулж байгаа ч дахин эмнэлгийн ор шаардлагатай байгаа учир энэ ажлыг эхлүүлжээ.