Дөрөвдүгээр сарын 14-ны өдөр Европуудийн хувьд томоохонд тооцогддог "Улаан өндөгний баяр" тохиох гэж байна. Коронавирусийн тархалтыг таслан зогсоох үйл ажиллагааны хүрээнд ихэнх улс тухайн баярыг тэмдэглэхийг хориглосон.

АНУ-ын ерөнхийлөгч Доналд Трамп гуравдугаар сарын 24-нд хийсэн мэдэгдлийн үеэр "Улаан өндөгний баяр гэхэд бүх зүйл сайхан болсон байгаасай хэмээн хүсэж байгаагаа" хэлсэн. Гэсэн хэдий ч одоог хүртэл байдал сайнгүй хэвээр байгаа юм.

Харин Австри улсын хувьд улаан өндөгний баярын дараа дэлгүүр, үйлчилгээний байгууллагуудыг нээж эхэлнэ гэдгээ Австрийн канцлер Себастьян Курц ѳнѳѳдѳр мэдэгдлээ.

Мөн тэрээр "Бүх дэлгүүр, худалдааны төв, үсчингүүд тавдугаар сарын 1-ээс нээх бол ресторан, зочид буудал 5-р сарын дунд үеэс нээгдэх төлөвтэй байна. Зургадугаар сарын эцэс хүртэл томоохон арга хэмжээ зохион байгуулагдахгүй" талаар мэдээлэв.

Ийнхүү Европийн орнууд бидний адил нэг удаагийн баяр уу? эсвэл эрүүл мэнд үү? гэсэн сонголттой нүүр тулаад буй юм.