Хятад улс бүх нийтээрээ хичээсний эцэст цар тахалын хамрах хүрээг хяналтандаа авч чадсан тул өндөржүүлсэн бэлэн байдлыг бүс нутгуудад хэсэгчлэн цуцалж буй. Харин үүнтэй зэрэгцэн гурван сар орчим чанга хөл хорионд байсан олон сая иргэн орон нутгаар аялаж эхэлсэн талаар  CNN агентлагийн Хонконг дахь салбар мэдээлэв.

Тухайлбал өнгөрсөн амралтын өдрүдэд Anhui мужийн Huangshan уулын алдарт байгалийн цогцолборт олон мянган амны хаалттай иргэн цугласан зураг тус улсын цахим орчноор түгсэн байна.

Хятадын төрийн мэдээллийн  Global Times-ийн мэдээлснээр эрх баригчид тус байгалийн цогцолборт тогтоосон хяналтыг цуцалсан өдрийн өглөөний 07:48 цагаас эхлэн дотоодын жуулчдын хөл хөдөлгөөн эхэлсэн ба өдөрт 20 мянган хүн хүлээн авах дээд хязгаартаа хүрч буй аж.

Мөн Шанхай, Бээжин хотын үзвэр үйлчилгээний газар дотоодын жуулчид, дэлгүүр хэсэх иргэдээр дүүрсэн байна.

Тус улсын халдварт өвчнийг хянах, урьдчилан сэргийлэх төвийн ахлах мэргэжилтэн Zeng Guang: "Бид өвчнийг хараахан даван туулаагүй байгаа учраас хэвийн байдалдаа орох гэж хэт яарснаар өмнөх алдаагаа давтах болно,  дэлхий нийтээр байдал хүндэрч, өвчин шинэ шатандаа орсон үед тайвширч болохгүй гэжээ.

Эх сурвалж: CNN