Коронавирусийн тархалт эрчтэй нэмэгдэж эхэлсэн тул Япон улсын Засгийн газар дөрөвдүгээр сарын 7-ноос эхлэн нэг сарын хугацаанд хүн ам олноор суурьшсан зарим бүс нутагтаа онц байдал зарлалаа.Энэ нь тус улсын хүн амын 40 хувь буюу Токио, Осака, Канагава зэрэг зургаан хот, мужийг хамарч байгаа аж. 

Засгийн газар ийнхүү онц байдал зарласнаар тус улсын албаныхан иргэдийг гэрт нь хорих, бизнесийн үйл ажиллагааг зогсоох эрхтэй болж байгаа аж. 

“Статистик тооцоогоор хэрэв бид бусадтай харилцахаа багадаа 70 хувиар бууруулбал халдварын тоо хоёр долоо хоногийн дотор дээд хэмжээнд хүрээд, улмаар буурч эхлэх боломжтой” тус улсын Ерөнхий сайд Шинзо Абэ мэдэгджээ. 

Тус улсын Засгийн газар эдийн засгаа дэмжихийн тулд 990 тэрбум ам.долларын багц хөтөлбөр хэрэгжүүлэхээ мэдэгдээд байна. Сүүлийн долоо хоногт тус улсын нийслэл Токио хотод илэрсэн халдварын тохиолдол хоёр дахин нэмэгдэж, 1200 орчимд хүрсэн нь онц байдал зарлах нэг шалтгаан болжээ.