ОХУ-ын Засгийн газар коронавирусээс үүдэн бизнест учирч буй сөрөг нөлөөг бууруулахын тулд зарим арга хэмжээг авч байна. Тухайлбал, жижиг, дунд бизнесийн нийгмийн даатгалын шимтгэлийн хэмжээг бууруулж, зээл төлөлтийн хуваарийг өөрчлөх боломжтой гэдгийг тус улсын Ерөнхийлөгч В.Путин мэдэгдсэн байна. 

Мөн тус улс энэ оны дөрөвдүгээр сараас зургадугаар сар хүртэл хүүхэд бүрт сар бүр 5000 рубль олгохоор болсноо мэдээлсэн.  Уг тэтгэмжийг ОХУ-ын нутаг дэвсгэрт оршин сууж буй гурав хүртэлх насны хүүхэд бүрт олгох аж.

ОХУ шинэ төрлийн коронавирусийн тархалтаас сэргийлж эдийн засгийн хэсэгчилсэн хязгаарлалт тогтоож, энэ сарыг дуустал бүх нийтийн амралт зарласан. Тус улсад халдварын тохиолдол 1.1 мянгаар нэмэгдэж, 8.6 мянга давсан бол нас баралт таваар өсөж, 63 болжээ.