Италийн засгийн газар COVID-19 ийн дэгдэлтээс үүдэн тогтоосон хатуу хөл хориог тавдугаар сарын 3-ныг хүртэл сунгахаар хэлэлцэж байгаа  талаар Reuters-ийн Ром дахь агентлаг мэдээллээ.

Коронавирусийн тархалтын цар хүрээ оргил цэгтээ хүрээд буурч эхэлсэн ч шинээр халдвар авагсдын тоо сүүлийн хоёр өдөр дахин хурдацтайгаар нэмэгдэж эхэлсэн нь засгийн газар онц байдлыг үргэлжлүүлэн сунгах талаар хэлэлцэхэд хүргэсэн юм.

Италийн ихэнх бизнесийн байгууллагууд үйл ажиллагаагаа зогсоож иргэд онц шаардлагагүй бол гэрээсээ гарахын хориглож гуравдугаар сарын 9-нөөс дөрөвдүгээр сарын 13-ныг хүртэл хөл хорио тогтоосон билээ.

Тус улсын эдийн засгийн 45 хувийг бүрдүүлдэг нутгийн хойд хэсгийн мужууд болох Lombardy, Veneto, Piedmont and Emilia Romagna нь тархалтад хамгийн их өртсөн бүс нутаг хэдий ч цар тахлын дэгдэлтээс үүдэн бий болсон ажилгүйдэл, эдийн засгийн хямралын эсрэг бизнесийн байгууллагууд үйл ажиллагаа явуулж эхлэхээр төлөвлөж байна.

Эх сурвалж: Reuters