Өчигдөр буюу баасан гарагт коронавирусийн халдвар авч эдгэсэн 91 өвчтөн дахин халдвар авсан талаар мэргэжилтнүүд мэдэгдсэнийг Сөүл хот дахь Reuters мэдээллийн агентлагийн салбарын мэдээллээ.

БНСУ-ын өвчнөөс урьдчилан сэргийлэх, хамгаалан төв /KCDC/-ийн захирал Jeong Eun-Kyeong-ийн мэдээлснээр өвчний хоёр дахь давлагаа идэвхжиж эхэлснээс үүдэн вирус дахин сэдэрч байж болзошгүй гэж үзэж байна.

Эрүүл мэндийн байгууллагын мэргэжилтнүүдийн мэдээлснээр шинэ шатны давлагаа  олон улсын хэмжээнд ноцтой асуудалд тооцогдож байгаа бөгөөд шалтгаан нь тодорхойгүй байгаа тул судалгаа хийгдэж байгаа аж.

KCDC-ийн тайлангаар баасан гарагт 27 шинэ тохиолдол илэрсэн нь хоёрдугаар сарын сүүлээр өдөр бүрийн тохиолдол 900 хүрч байсан оргил үетэй харьцуулахад хамгийн багад тооцогдож байна.

Өнөөдрийн байдлаар халдвар авсан 7,717 гаруй иргэн иргэн эдгэсэн бөгөөд нийт халдварын тохиолдол 10,450-д хүрсэн байна.

Анагаах ухааны сургуулийн Guro эмнэлгийн  халдварт өвчин судлалын профессор Kim Woo-joo: 91 бол ердөө эхлэл, энэ тоо улам нэмэгдэнэ гэсэн юм.

 Эх сурвалж: Reuters.com