Дэлхийн газрын тосны голлох олборлогчид тус түүхий эдийн эрэлтийн удаашралтай уялдан гарцаа танахаар санал нэгдлээ. Энэ зах зээлийн гол тоглогчид газрын тосны олборлолтоо 10 хувиар бууруулахаар болсон байна. 

ОРEC-ийн сайд нар, газрын тосны томоохон олборлогчид, "Их 20"-ын орнуудын төлөөллүүд дөрвөн өдрийн турш цахимаар хуралдаж, уг шийдвэрийг гаргажээ. Ингэснээр сүүлийн саруудад огцом суларсан газрын тосны үнэ тогтворжих болон эргэн сэргэх боломж бүрдэж байгаа юм.  

Коронавирусээс үүдэн тээвэр болон үйлдвэрлэл, үйлчилгээний салбарын шатахуун, түлшний эрэлт үлэмж хэмжээгээр буурсан. Үүнээс үүдэн газрын тосны ханш унаж, 18 жилийн доод цэгт хүрээд байсан юм.