БНСУ-ын 21 дэх удаагийн парламентийн сонгуульд сонгогчид өндөр ирцтэй оролцож, эрх баригч Минжү буюу Ардчилсан нам хамгийн олон санал авлаа.

Тус улсын энэ удаагийн сонгууль 16 жилийн дараа буюу 2004 оны сонгуулиас хойш хамгийн өндөр ирцтэй сонгууль болжээ. 

Коронавирусийн улмаас сонгуулийн ирц муу байна гэсэн таамагтай байсан ч 66.2 хувийн ирцтэй болж өндөрлөлөө. 

Сонгууль 06:00-18:00 цагийн хооронд үргэлжилж 18:00 цагаас хойш коронавирусийн улмаас гэрээр тусгаарлагдаад буй иргэд саналаа өгч оролцсон байна. Ийнхүү БНСУ-ын 21 дэх удаагийн парламентийн сонгуульд эрх баригч Минжү буюу Ардчилсан нам хамгийн олон санал авч, дахин 4 жил одоогийн хийж буй ажлуудаа үргэлжлүүлэх болжээ.