Казахстанд эмнэлэгт эмчлүүлж байсан өвчтөнүүд болон тус байгууллагын эмч, сувилагч зэрэг нийт 200 орчим хүн COVID-19 вирусийн халдвар авсан нь тогтоогджээ. ТТус улсын томоохон хотуудад коронавирусийн тархалт нэмэгдэж буйгаас Казахстан цар тахлын шинэ голомт болоод байна. 

Одоогоор өвчний шинж тэмдэг илэрсэн эмч, сувилагч нарыг тус улсын халдварт өвчин судлалын төвд шилжүүлжээ. 

Эмнэлгийн ажилтнууд олноор вирусээр халдварласан нь COVID-19-ээс урьдчилан сэргийлэх арга хэмжээг хангалтгүй авсантай холбоотой гэж нийгмийн зүгээс шүүмжилж байгаа аж. 

Дөрөвдүгээр сарын 20-ны байдлаар Казахстанд COVID-19 вирусийн 1676 тохиолдол бүртгэгдэж, 17 хүн нас барьжээ. Харин 400 хүн эдгэсэн байна.