Хатан хаан II Элизабет 94 насны төрсөн өдрийн арга хэмжээгээ цуцлахаар шийдвэрлэжээ. 

Коронавирусийн халдвараас урьдчилан сэргийлэх зорилгоор дэлхийн ихэнх оронд хөл хорио тогтоогоод буй энэ үед тэмдэглэлт арга хэмжээ зохиох нь зүйд нийцэхгүй хэмээн үзэж, энэ жилийн төрсөн өдрийн баяраа тэмдэглэхгүй байх шийдвэрийг хатан хаан II Элизабет өөрөө гаргажээ.

Өнгөрсөн 68 жилийн туршид хатан хаан II Элизабет анх удаа төрсөн өдрийн арга хэмжээгээ цуцлахаар шийдсэн аж. 

Жил бүр түүний төрсөн өдрөөр их буун буудлага, морин цэргийн жагсаал зохион байгуулдаг уламжлалтай бөгөөд өнгөрсөн жил 200 морьт цэрэг, 1400 офицер, 400 хөгжимчин жагсаалд оролцож байжээ.