Коронавирусийн хөл хорионы үеэр нэн ховорт тооцогдож байсан арьсан хуягтай яст мэлхий 20 жилийн дараа Пукет арлын эрэгт үүрлэх болсон талаар Тайланд улсын байгаль хамгаалагчид мэдэгджээ.

Цар тахлын дэгдэлт хотын амьдралыг нам гүм болгосон энэ үед бодон гахай Израилын Haifa хотод сүрэглэж, буган сүрэг Лондонгийн захын дэлгүүрээр хэсүүлчлэх зэргээр олон төрлийн зэрлэг амьтад хотын амьдралтай танилцах болсон билээ.

Пукет арлын далайн амьтан судлалын хүрээлэнгийн захирал Kongkiat Kittiwatanawong-ийн хэлснээр өнгөрсөн арваннэгдүгээр сараас хойш 11 мэлхийн үүр олдсон нь сүүлийн 20 жилийн турших хамгийн их үүр олдсон үзүүлэлтэд тооцогдож байна.

Энэ бол маш таатай мэдээ. Далайн эргийн зав чөлөөгүй амьдрал, жуулчдын хөл хөдөлгөөн, загасчлал хүмүүсийн буруутай үйл ажиллагаанаас үүдэн амьтдын төрөл зүйл тоо толгой үрэгдэж, далайн эрэг сүйдэгдээд байсан. Таван жилийн турш арьсан хуягт яст мэлхийн нэг ч  үүр олдоогүй. Энэ төрлийн яст мэлхий нь далайн мэлхийн хамгийн түгээмэл төрөл зүйл хэдий ч тус улсын хувьд нэн устаж буй амтны төрөл зүйлд тооцогдож эхэлсэн юм.

Worldometer-ийн судалгаагаар тус улсад халдварын тохиолдол 2,792 хүрч, 47 хүн нас барсан байна.

Эх сурвалж: Reuters.com /Бангкок/