Доналд Трамп коронавирусийн цар тахлын эдийн засагт учруулж буй хямралаас үүдэн АНУ-д ажиллаж, амьдрах байнгын оршин суух статус хүсэх цагаачдын хүсэлтийг 60 хоногийн хугацаанд хүлээн авахгүй гэдгээ мэдэгдлээ. Америк иргэдийн ажилгүйдэл, гадаад ажиллах хүчний өрсөлдөөнөөс үүдэн ийм шийдвэр гаргахаар болж холбогдох байгууллагуудад үүрэг өгч, өнөөдөр буюу лхагва гарагт гарын үсэн зурах аж.

Тэрээр энэ шийдвэр нь ногоон карт хүсэх гэж байгаа болон түр зуурын ажилчид хамааралтай бөгөөд, өргөдөл нь одоогоор хэлэлцээрийн шатанд байгаа иргэдийг хүсэлтийг хэрхэн шийдвэрлэх талаар тодорхой чиглэл өгөөгүй байна. Тэрээр хэвлэл мэдээлэлд хандан “Америкчууд хямралд өртөж ажлын байраа алдаж байхад, гаднаас ажиллах хүчин авч ажиллуулах нь шударга шийдэл байж таарахгүй. Иймд цагаачлалыг зогсоож, ажилгүй болсон Америкчуудыг ажлын байраар хангах нэн тэргүүний шаардлага” гэсэн юм. Цагаачлалыг түр зогсоох шийдвэр нь одоогийн байдлаар 60 хоногийн хугацаанд хэрэгжих бөгөөд цаашид сунгах эсэх талаар 30 хоногийн дараа хэлэлцэх аж.

Эх сурвалж: Theguardian.com