Герман улсын эрүүл мэндийн үндэсний газрын өнөөдрийн мэдэгдлээр Covid-19- вирусийн эсрэг үйлчлэх вакциныг BioNTech гэх биотехнологийн компани хүн дээр буюу клиникт турших эрхээ авчээ. 

Эхний ээлжид 18-55 насны хөнгөн халдвар авсан 200 хүнд турших, ба дараагийн шатанд коронавирусийн халдвараар нас барах өндөр эрсдэлтэй иргэдэд туршихаар төлөвлөсөн бөгөөд маргаашаас туршилт эхлэх аж.

BioNTech компанийн хэлснээр эмийн бүтээгдэхүүн үйлдвэрлэлийн салбарын голлох тоглогч болох Pfizer-тэй хамтран BNT162 нэртэй вакцин хөгжүүлж буй аж. Тус вакциныг мөн АНУ-д хүн дээр туршиж турших гэж байна. 

ДЭМБ-ын мэдэгдэж буйгаар коронавирусийн эсрэг үйлчлэл үзүүлэх 20 гаруй төрлийн вакциныг хөгжүүлж байгаа бөгөөд дөнгөж судалгааны шатнаас эхлэн клиникийн туршилт хийгдэж буй юм.

Эх сурвалж:

• Reuters.com
• Independent.co.uk