Герман улс коронавирустэй тэмцэхийн тулд бүх нийтээр маскийг албан зүүлгэх бодлого баримталж буйгаа зарлалаа. 

Дэлгүүр хэсэх болон нийтийн унаанд суухдаа заавал хэрэглэхийг шаардаж байгаа аж. 

Улс бүр маск зүүх тал дээр янз бүрийн бодлого баримталж байна. Тухайлбал Австрали улсад гэхэд энэ сарын эхээр дэлгүүр, олон нийтийн газар явахдаа маск албадан зүүлгэж эхэлжээ. Герман улсын хувьд одоогийн байдлаар нийт 150648 хүн халдвар авч, 5315 хүн нас баржээ. 

Сонирхуулахад, Германы холбооны вакцины институт өчигдөр хүний бие махбодод вакцины эмнэлзүйн туршилт хийх эрхээ авчээ. Туршилтыг нийт 18-55 насны 200 гаруй сайн дурын иргэд дээр турших юм.

Эх сурвалж: BBC