Коронавирусийн вакцины туршилт Их Британий Оксфорд хотод эхэлж, эхний хоёр хүн тариулжээ.

Тус вакциныг Женнер хүрээлэнгийн вакцин судлалын профессор Сара Гилбертийн удирдлаган дор Оксфорд их сургуулийн баг гурван сарын хугацаанд боловсруулжээ. 

Женнер "Би энэ вакцинд маш их итгэлтэй байна. Мэдээж би энэ вакциныг туршсан хүмүүсийн бие эерэг хариу үзүүлэхийг хүлээж байна. Вакцин гарлаа гээд зүгээр нэг олон хүнд хүргэхээс илүүтэй, хүмүүсийг хэрхэн халдвараас хамгаалж байгааг харах хэрэгтэй" хэмээн хэлжээ.

Оксфордын болон Империал Коллежийн судлаачид засгийн газраас нийт 40 сая паундын санхүүжилт авжээ. Их Британий эрүүл мэндийн сайд Мэтт Хэнкок тэдний ажлын явцыг сайшааж, коронавирусийн эсрэг вакцин бүтээхэд шаардлагатай бүх зүйлээр хангахаа амласан байна.

Гэхдээ коронавирусийг эмчлэх эм, вакцин аль аль нь ирэх оноос наана бэлэн болохгүй гэж мэргэжилтнүүд тооцоолжээ.