Чилийн засгийн газар Covid-19-ийн халдвар  авч эдгэсэн хүмүүст сертификат олгохоор төлөвлөж буй нь ихээхэн маргаан дагуулж байна.  Тус улсын эрүүл мэндийн яамны төлөөлөгч Paula Daza-гийн хэлснээр  тус гэрчилгээ нь хүмүүсийг ажилдаа эргэн ороход эдгэсэний баталгаа болно гэсэн юм.

Тус яам “дархлаа”-ны сертификат нь вирус тархахаас сэргийлнэ гэж үзэж буй.

Харин ДЭМБ-ын зүгээс халдвар авч эдгэсэн хүмүүс дахин халдварлахгүй гэсэн “нотолгоо байхгүй” гэж баасан гарагт мэдэгдсэн юм. Мөн ДЭМБ дархлааны сертификат олгох нь эдгэсэн иргэд нийгмийн эрүүл мэндийг хамгаалах зөвлөмжийг үл тоомсорлоход хүргэж, ингэснээр халдварын эрсдэлийг нэмэгдүүлэхийг сануулав.

Johns Hopkins-ийн их сургуулийн тайлангаар тус улсад 13 мянган халдварын тохиолдол бүртгэгдэж, 189 хүн нас барсан байна.

Эх сурвалж: BBC