Грек улс энэ зун аялал жуулчлалын үйл ажиллагаагаа хэвийн үргэлжлүүлэхээ мэдэгдлээ.

Энэ талаар Грекийн аялал жуулчлалын сайд Харри Теохарис "Жуулчдыг энэ зун Грекд зочлон, аялахыг урьж байна. Гэхдээ бид коронавирусээс урьдчилан сэргийлэхийн тулд маск зүүх, гар ариутгах зэрэг арга хэмжээг цуцлахгүй" хэмээн мэдэгдлээ. 

Мөн тэрээр Грек улс 50 жилийн турш жуулчдыг хүлээж авсаар ирсэн. Одоо ч мөн адил Грекд ирэхийг хүссэн олон жуулчид бий. Харин бид энэ нөхцөл байдалд аялагчдад тохирсон тогтсон журмыг батлах хэрэгтэй. Жишээлбэл, Грек улсад аялахаар ирсэн аялагч коронавирусийн шинжилгээ өгсөн байх гэх мэт шаардлагыг тавих нь зүйтэй.