Өөрийгөө жолооддог суудлын болон ачааны тэрэг, роботууд үйлдвэрээс гарч хоол, хүнс болон эрүүл мэндийн бүтээгдэхүүнийг хүргэж эхэлсэн талаар Reuters агентлагийн Сан Франциско дахь салбараас мэдээллээ.

Дөрөвдүгээр сарын дундаас эхлэн General Motors компанийн өөрийгөө жолооддог тэрэгний баг машины цонхон дээр “SF COVID-19 Response”  гэж бичсэн тэргээрээ SF-Marin Food Bank болон SF New Deal зэрэг хоол хүнс түгээлтийн газраас хүнсний бүтээгдэхүүн шаардлагатай байгаа ахмадуудын хаягаар хүргэж эхэлжээ. Одоогоор машин бүр аюулгүй байдлыг ханган ажиллах хоёр жолоочтой бөгөөд амны хаалт, бээлийтэй жолооч нь хүнсийг айлуудын үүдэнд үлдээдэг байна.

АНУ-д өөрийгөө жолооддог машины үйлдвэрүүд зам дээр туршилт хийхээ больсон хэдий ч хүргэлтийн үйлчилгээгээр дамжуулан замын хөдөлгөөнд оролцон их хэмжээний өгөгдлийг цуглуулах болжээ.

Замын хөдөлгөөний газрын орлогч захирал Rob Grant-ын хэлж буйгаар энэ үйлчилгээ нь ride-sharing буюу дундын таксины үйлчилгээг үндсээр нь өөрчлөхгүй. Цар тахал бидэнд өөрийгөө жолооддог машин нь ирээдүйд хүргэлтийн болон бусад төрлийн үйлчилгээнд эрэлт ихтэй байгааг ойлгуулж байна гэсэн юм.

Toyota-гийн санхүүжилттэй Pony.ai болон Softbank-ийн хөрөнгө оруулалттай Nuro нь зэрэг компани нь жолоочгүй машиныг хүргэлтийн үйлчилгээнд  мөн ашиглаж эхэлжээ. Эдгээр компанийн алин ч энэ үйлчилгээгээрээ орлого олохгүй байгаа ч гэсэн  маш том туршлага

Эх сурвалж: Reuters.com