АНУ-д явуулсан судалгаагаар сүүлийн 2 сард үндэсний үйлдвэрлэлийн шар айрагны борлуулалт огцом өсчээ.

Гуравдугаар сарын дундуур АНУ-д коронавирус халдварын тархалт огцом нэмэгдсэний улмаас улс орон даяар хөл хорио тогтоосон. Харин энэ үед согтууруулах ундааны хэрэглээ нэмэгджээ.

Бусад төрлийн вино, архи зэргээс илүүтэй шар айрагны эрэлт сүүлийн хоёр сард нэмэгдсэн байна. Жишээлбэл АНУ-ын үндэсний үйлдвэрлэл болох Anheuser-Busch's (BUD) Busch Light пивоны борлуулалт 44 хувиар өсчээ. Бусад үйлдвэрүүдийн шар айраг судалгаагаар 14-17 хувиар нэмэгдсэн.  

InMarket онлайн дэлгүүрт гуравдугаар сарын 1-нээс дөрөвдүгээр сарын 17-ны хүртэлх судалгаагааг хоёрдугаар сарынхтай харьцуулбал шар айраг захиалга, борлуулалт мөн өссөн байна.

Энэхүү судалгаагаар АНУ-ын шар айраг худалдан авч буй хэрэглэгчид эрсдэлээс сэргийлж дотоодын үйлдвэрийн шар айргийг илүүтэй хэрэглэж байгаа нь тодорхойлогджээ.