БНСУ-ын өвчнийг хянах, урьдчилан сэргийлэн төв (KCDC)-ийн мэдэгдсэнээр хоёрдугаар сараас хойш анх удаа халдварын шинэ тохиолдол дотоодоос бүртгэгдээгүй байна.

KCDC-ийн мэдэгдлээр өнгөрсөн долоо хоногт 4 шинэ тохиолдол бүртгэгдсэн нь бүгд гаднаас зөөвөрлөгдсөн бөгөөд 10,765-д хүрч, нас баралт нэгээр нэмэгдэж 247-д хүрсэн бол 9,059  хүн эдгэсэн байна.

Зөөвөрлөгдсөн 1,065 тохиолдлын 90 хувийг солонгос иргэд бүрдүүлж буй.

Солонгосчууд өчигдөр буюу дөрөвдүгээр сарын 30-нд Буддагийн төрсөн өдрийг тэмдэглэсэн бол өнөөдөр хөдөлмөрчдийн өдрийг тэмдэглэж байна. Ирэх пүрэв гарагт хүүхдийн баярыг тэмдэглэж аж.

Эрх баригчид аюулгүй ажиллагааг чанд баримталж парламентын сонгуулийг явуулсан тул дотоодоос халдвар авсан тохиолдол илрээгүй гэж тус улсын эрүүл мэндийн мэргэжилтнүүд үзэж байна.

Эрүүл мэндийн бодлогын газрын ерөнхий захирал Yoon Tae-ho-гийн мэдэгдсэнээр дөрөвдүгээр сарын 15-нд болсон парламентын сонгуульд 28 сая иргэн оролцсон бөгөөд 14 хоногийн ажиглалтын хугацаанд нэг ч дотоодын тохиолдол бүртгэгдээгүй аж.

Эх сурвалж: Theguardian.com