Ирэх долоо хоногоос эхлэн европын зарим улсын засгийн газар сургуулийн үйл ажиллагааг хэвийн үргэлжлүүлэх бэлтгэлээ хангаж байгаад эрүүл мэндийн мэргэжилтнүүд шүүмжлэлтэй хандаж байна. Дани болон Норвегид зарим ЕБС, болон сувилахуйн сургуулиуд үйл ажиллагаагаа хэдийн хэвийн явуулж эхэлжээ. Мөн Швейцарт өвөө эмээ нар нь 10-аас доош настай ач, зээгээ тэврэхийг нь зөвшөөрчээ.

Францын ерөнхийлөгч Emmanuel Macron шинжлэх ухааны комиссын зөвлөгөөг үр харгалзан тавдугаар сарын 11-нээс эхлэн бага сургууль болон сувилагчийн сургуулийн үйл ажиллагааг эхлүүлэх тушаал гаргасан байна.

Герман улсад гэхэд өнгөрсөн баасан гарагаас эхлэн тоглоомын талбайг нээж байгаа бол 11 болон 12 настай сурагчид ирэх долоо хоногоос эхлэн цөөн анги дүүргэлттэйгээр хичээллэж эхлэх гэж байна. 

Мөн сурагчид бие биетэйгээ ойр харилцах дуу хөгжим болон биеийн тамирын хичээлийг эрсдэлтэй гэж үзэн түр зуур хичээлийн хуваариас хасжээ. Харин ахлах ангийн сурагчид өнгөрсөн сараас эхлэн шалгалтаа танхимд цугларан өгч эхэлсэн юм.

Эх сурвалж: Theguardian.com