Европ тивд коронавирусийн цар тахлын голомт болж байсан Франц, Итали, Испани улсад нас баралтын тоо анх удаа хамгийн доод хэмжээндээ хүрч, эрчимтэй буурч байна.  

Бямба гарагийн байдлаар Францад шинээр 135 нас баралт, Испанид гуравдугаар сараас хойш хамгийн бага буюу 164 нас баралт, харин Италид сүүлийн хоёр сартай харьцуулахад хамгийн бага буюу 174 нас баралт тус тус бүртгэгджээ.  

Гэвч ОХУ-ын хувьд халдварын тархалт эрчимжиж шинээр 10 мянган хүн  халдвар авчээ. Гэхдээ нас баралтын тоо бусад улстай харьцуулахад харьцангуй бага буюу ням гарагийн байдлаар 58 нас барж халдвараар нас барсан хүний тоо 1,280 боллоо.

Харин Их Британид шинээр 315 хүн нас барснаар нас баралт өндөртэй орон болох АНУ болон Италийн дараа жагсаж байна.

• АНУ-ын нас баралтын тоо-68 мянга
• Итали улсын нас баралтын тоо -28,884  
• Их Британид -28,446
• Испанид-25,100
• Францад-24,729 нас баралт бүртгэгдээд байна.

Цар тахал дэлхий дахины 3,5 сая хүнийг халдварлуулж, 250 мянган хүний амийг авч одлоо.  

Эх сурвалж: BBC